Давыдзька: Трэба будзе прабачэння папрасіць у футбольных фанатаў
Кіраўнік Белдзяржтэлерадыёкампаніі Генадзь Давыдзька кажа, што назваў нацыстамі заўзятараў, што былі на матчы ва Львове, «згарача».
«Пра гэтых фанатаў, заўзятараў футбольных — мне непрыемна, што там непаразуменні ёсць. Нібыта пакрыўдзіліся на мяне, што я назваў іх нацыстамі… Ну, гэта я «згарача», бадай што і прабачэння трэба будзе папрасіць», — сказаў ён у эфіры Еўрарадыё.
Нагадаем, у апошнім выпуску праграмы «Клуб рэдактараў» абмяркоўваўся футбольны матч зборных Украіны і Беларусі і паводзіны падчас яго беларускіх і ўкраінскіх заўзятараў. Генадзя Давыдзьку абурылі «антырасійскія крычалкі», якія гучалі падчас матчу, і тое, што беларускія заўзятары ахвотна іх падтрымлівалі. «Чаму нашу краіну на трыбунах у суседняй краіне прадстаўляюць юныя нацысты?» — абураўся кіраўнік БТ.
Адзін з заўзятараў зборнай Беларусі па футболе апублікаваў у «Нашай Ніве» адкрыты ліст кіраўніку БТ з нагоды гэтага яго выказвання. Андрэй Валькоўскі патрабуе ў сваім лісце, каб Генадзь Давыдзька прадставіў доказы свайму абвінавачванню: «Цяжка сабе ўявіць і тое, што Вы маглі б назваць нацысцкім сфармуляваны Янкам Купалам лозунг «Жыве Беларусь», — піша ён і дадае таксама, што «лозунг «Слава Украіне» сягае вытокаў аспірацый украінскай незалежнасці ў новай гісторыі і звязваць яго з нацызмам могуць толькі прапагандысты тэндэнцыйных тэлеперадач. Яшчэ менш хочацца верыць у тое, што Вы ўсур'ёз можаце лічыць песні беларускага гурту «Ляпіс Трубецкой», «Тры чарапахi» NRM, народную «Купалінку» ці тыповыя беларускія фанацкія крычалкі ў падтрымку зборнай нацысцкай творчасцю. Гэта было б ўжо ўвогуле па-за межамі… Быў яшчэ банер з простым, але адназначным салідарным зместам «Трымайцеся, браты». Хацелася б адзначыць, паважаны спадар Давыдзька, што беларускія аматары футболa выказалі сваю салідарнасць украінскаму народу ў рэчышчы агульнага стаўлення Беларусі да няпростай сітуацыі ва Украіне», — піша Валькоўскі.
Гэтая дзяўчына выйшла ў цэнтры Гродна з плакатам «Не вайне». Яна расказала, што перажыла пасля14
Каментары