Стаў вядомы прысуд берасцейцу, які забіў брата і ягоную жонку
За двайное забойства асуджаны 47-гадовы беспрацоўны жыхар Брэста.
Як паведаміла старшы пракурор аддзела пракуратуры Брэсцкай вобласці Дар'я Жук, якая падтрымлівала дзяржаўнае абвінавачанне па справе, абвінавачваны жыў у Брэсце ў прыватным доме са сваім братам і яго жонкай.
2 жніўня 2014 года мужчына на глебе асабістых непрыязных адносін спачатку ў двары дома, затым у хляве збіў рукамі і нагамі 48-гадовага брата, а таксама ўдарыў яго па галаве рабром чыгуннай батарэі. У выніку ад атрыманых цяжкіх цялесных пашкоджанняў пацярпелы памёр на месцы.
У ноч на 3 жніўня абвінавачваны задушыў у доме 36-гадовую жонку брата. Затым трупы абодвух закапаў у хляве побач з домам.
Іх целы былі знойдзеныя 4 мая 2015 года ў ходзе аператыўна-вышуковых мерапрыемстваў па ўстанаўленні месцазнаходжання мужа і жонкі, якія лічыліся адсутнымі без вестак.
47-гадовы мужчына быў затрыманы па падазрэнні ў забойстве.
28 верасня судовая калегія па крымінальных справах Брэсцкага абласнога суда прызнала яго вінаватым у супрацьпраўным пазбаўленні жыцця (забойстве) дзвюх асоб, адно з якіх учынена з асаблівай жорсткасцю, другое — асобай, якая раней учыніла забойства (п. 6, 16 ч. 2 арт. 139 КК), і прыгаварыла да 24 гадоў пазбаўлення волі ў калоніі ўзмоцненага рэжыму.
«У судовым пасяджэнні мужчына прызнаў сваю віну часткова, адмаўляючы намер на забойства брата», — сказала Жук.
Прыгавор яшчэ не набыў законную моц і можа быць абскарджаны.
* * *
«Хацеў пакараць». Берасцеец забіў брата і ягоную жонку, бо тыя абражалі маці
Цяпер чытаюць
У Францыі ад спёкі загінуў дальнабойшчык з Докшыцаў11
Каментары