«Ворша рыхтуецца да «Дажынак». У горадзе назьбіралася шмат праблемаў, якія цяпер спрабуюць вырашыць адной вялікай будоўляй. Будуюць дамы, рамантуюць масты, асфальтуюць дарогі. Хутка ў горадзе усё будзе па- новаму. Мэра й таго новага прызначылі.
Адна зь вялікіх праблемаў гораду —прыбіральні. Стан грамадзкіх прыбіральняў жахлівы. Вось і вырашылі ў выканкаме й з гэтай праблемай пазмагацца. Ды ня проста так, а каб людзі пабачылі, што ўлады яе вырашаюць. Калі будаваць прыбіральню -- дык на бачным месцы — у Прыдняпроўскім парку. Там дзе стаіць помнік Караткевічу й дазволена ладзіць пікеты.
Калі раней з боку гарадзкой бібліятэкі быў бачны помнік славутаму земляку, дык цяпер будзе бачна новая прыбіральня. Пэўна, для чыноўнікаў так нават лепш. Пра Караткевіча ў горадзе ўсе помняць: ёсьць музэй, дом дзе зямляк жыў, назва вуліцы. А пра грамадзкія прыбіральні ўзгадалі толькі яны — гаспадары гораду. Да таго ж з помніку пастаянна крадуць шыльду, якую жыхары гораду патрабуюць аднаўляць. А так, прыкрыюць помнік прыбіральняй і ня бачна, ці ё там шыльда ці няма...
Цяпер чытаюць
За выбух у мінскім метро судзілі не толькі Канавалава і Кавалёва. Як склаўся лёс яшчэ трох фігурантаў справы?7
Каментары