Сёння ў групе «УКантакце» бара «ДК» (вул. Талбухіна, 4) з'явіўся статус: «Сябры, у нас важная навіна для вас! З 1 лістапада 2015 года бар ДК спыняе сваё існаванне.
На гэта ёсць пэўныя прычыны, пра якія мы распавядзем у хуткім часе. Калі ласка, пастаўцеся з разуменнем да нашага рашэння. Мір! Павага! І трошачкі смутку!»
Стваральнікі праекта пакуль не каментуюць прычыны закрыцця. Бар «ДК» адкрыўся вясной 2014 года. Там праводзілі канцэрты, адкрытыя паэтычныя мікрафоны, футбольныя трансляцыі, паказы фільмаў, абмен сукенкамі, вечарынкі і гэтак далей. Уладальнікі «ДК» нядаўна далі інтэрв'ю сайту Irl.by, у якім на будучае закрыццё ніякіх намёкаў быццам бы не было. Алег Гендрусеў, адзін з уладальнікаў, распавёў, што да адкрыцця бара падобнага досведу ў яго не было:
«У мяне не было ніколі мары адкрыць нешта падобнае, усё адбылося спантанна і нечакана. Да таго, як мы адкрылі «ДК», быў момант, калі я вырашыў кардынальна змяніць выгляд сваёй дзейнасці. Я 8 гадоў працаваў у продажах, рамантаваў камп'ютары. І гэта стала проста сумна. Я зразумеў, што жыццё ператвараецца ў набор аднолькавых дзеянняў, якія не прыносяць ніякага задавальнення. Але «ДК» не з'явіўся адразу пасля таго, як я захацеў пераменаў. Я проста вырашыў нешта мяняць, а што канкрэтна — было незразумела.
2-3 месяцы я нічым не займаўся. Я паспеў стаміцца: за што б я не браўся, я рабіў гэта з вялікай самааддачай. Тыя месяцы дапамаглі мне прыйсці ў сябе. Асноўная ідэя «адкрыць нешта» была ў Лявона. (…) Мы нічога не ведалі, не мелі ўяўлення, з чаго пачаць. Але нам было цікава, таму мы ўзяліся за гэта з велізарнай самааддачай, энтузіязмам, усё трымалася і трымаецца менавіта на гэтым. Працы зроблена і робіцца вельмі шмат».
-
«Спачатку пагрозу прыдумаў, потым сам яе перамог». Прапаганда абвяргае Зяленскага, сцвярджае, што рэтранслятараў не здымалі, бо іх не было
-
20‑гадовага мінчука затрымалі перад тым, як ён паспеў прадаць першую дозу наркотыку 16‑гадовай дзяўчыне
-
У Магілёве стаў працаваць адкрыты скаладром. Ён самы высокі ў Беларусі
Зяленскі: Рэтранслятары на мяжы Беларусі прыпынілі працу69
Каментары