Аўстралійскія сенатары раскрытыкавалі кіраўніка МЗС краіны Джулі Бішап за выкарыстанне незадаволенага смайліка ў якасці ацэнкі дзейнасці прэзідэнта Расіі Уладзіміра Пуціна.
У лютым у анлайн-інтэрв'ю парталу Buzzfeed Бішап ахарактарызавала сваё стаўленне да Пуціна папулярным эматыконам.
У чацвер гэта пытанне абмяркоўвалася на пасяджэнні сенацкага камітэта. Некаторыя заканадаўцы заявілі, што такім чынам кіраўнік ведамства выказала свой гнеў у адносінах да Пуціна і што гэта можа пагоршыць двухбаковыя адносіны Канберы і Масквы.
На пытанне аб стаўленні да Уладзіміра Пуціна Джулі Бішап адказала на мове смайлікаў
«Магчыма, міністр кажа, што яна злуецца на яго, а магчыма, яна думае, што ён чырванатвары злы чалавек, я не ведаю», — сказала сенатар ад Ліберальнай партыі Пені Вонг.
Сярод сенатараў адразу ж разгарэлася спрэчка, ці з'яўляецца пастаўлены Бішап смайлік выказваннем агрэсіі ці не.
Сама Бішап у сваім акаўнце ў твітары паабяцала заканадаўцам даць свае тлумачэнні пазней.
-
«Залічаная па нестандартнай працэдуры». Стала вядома, як шчодра падмазваў Эпштэйн універсітэт, у якім вучылася Карына Шуляк
-
Рубіа ў апошні момант адмяніў сустрэчу з лідарамі Еўропы аб пытанні Украіны
-
Студзень 2026 года ўвайшоў у пяцёрку самых цёплых першых месяцаў года ў свеце. Як гэта ні дзіўна для беларусаў
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі12
Каментары