Андрэй Елісееў: Від на жыхарства ў ЕС? Там збольшага польскія гадавыя візы для ўладальнікаў «карты паляка»
«Больш за 80 тысяч грамадзян Беларусі атрымалі ў 2014 годзе від на жыхарства ў Еўрасаюзе. Аднак лічба 80442 стала вынікам спецыфікі падліку, якая прымяняецца статведамствам ЕС», — тлумачыць на сайце BISS аналітык Беларускага інстытута стратэгічных даследаванняў Андрэй Елісееў.
— Па прынятай Еўрастата метадалогіі ў раздзел «від на жыхарства» аўтаматычна трапляюць і нацыянальныя візы, якія выдаюцца беларусам краінамі ЕС. Адпаведна, у гэты раздзел патрапілі больш за 70 тысяч беларусаў, якія атрымалі ў 2014 годзе нацыянальную польскую візу, — піша Елісееў.
З 402 тысяч віз, выдадзеных польскімі консульствамі ў Мінску, Гродне і Брэсце, шэнгенскіх было каля 323 тысяч, усе астатнія — нацыянальныя, звычайна тэрмінам на 1 год. Ільвіная доля такіх віз выдаецца уладальнікам «карты паляка». Далёка не ўсе ўладальнікі нацыянальных віз, а хутчэй за ўсё толькі малая частка, пастаянна пражываюць у Польшчы, але выкарыстоўваюць свой легальны статус для кароткачасовых паездак у ЕС.
Такім чынам, калі адняць лік нацыянальных віз, выдадзеных беларусам Польшчай ў 2014 годзе, то выйдзе, што «сапраўдныя» віды на жыхарства ў ЕС у мінулым годзе атрымалі ўсяго каля 10 тысяч беларусаў, робіць выснову Елісееў.
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»37
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары