9-гадовы праграміст стаў генеральным дырэктарам кампаніі і экспертам па кібербяспецы
Праграміст індыйскага паходжання Рубен Пол цяпер жыве ў горадзе Осцін ў ЗША і вучыцца ў трэцім класе школы. Таксама ён выступае на мностве канферэнцый аб інфармацыйнай бяспецы і ўзначальвае ўласную кампанію па распрацоўцы мабільных праграм.
Гісторыю хлопчыка распавяло выданне The Times of India.
Бацька хлопчыка сцвярджае, што Рубен пачаў цікавіцца інфармацыйнымі тэхналогіямі, калі яму было пяць гадоў. Тады ж ён даведаўся такія словы, як «фаервол», і асвоіў навучальную мову праграмавання Scratch.
Пасля гэтага Рубен вывучыў іншыя мовы праграмавання і стварыў сваю першую мабільную праграму — памочнік для рашэння школьных задач па матэматыцы. Затым Рубен заснаваў кампанію Prudent Games для выпуску мабільных праграм. Сам Рубен стаў яе генеральным дырэктарам, а яго бацька — бізнэс-партнёрам і наёмным супрацоўнікам.
Таксама Рубен актыўна цікавіцца пытаннямі кібербяспекі і ўдзельнічае ў мностве канферэнцый на гэтую тэму. Яго хвалююць праблемы навучання дзяцей бяспецы ў сеціве.
Для большай пераканаўчасці Рубен проста на канферэнцыях паказвае, як лёгка абыйсці «слабыя» паролі, і ўзломвае неабароненыя сістэмы. Да прыкладу, нядаўна ён удзельнічаў у якасці «спецыяльнага пасла» ў Ground Zero Summit 2015 — найбуйнейшай у Азіі канферэнцыі, прысвечанай кібербяспецы.
Цяпер чытаюць
Няўдалае тэхнічнае рашэнне дорага абышлося арганізатарам галасавання ў Каардынацыйную раду2
Каментары