Жыхары дома насупраць просяць замаляваць графіці «чалавека без ідэнтычнасці» ў Мінску, называюць «анёлам смерці»
Грэчаскі мастак INO намаляваў у Мінску вобраз чалавека без ідэнтычнасці. Малюнак трапіў у рэйтынг найлепшых вулічных графіці свету.
Ім захапляюцца і ў Беларусі. Напрыклад, праваабронцы пабачылі ў ім заклік супраць смяротнага пакарання. Сам мастак прысвяціў сваю работу ўсім, хто быў пакараны, а праз некаторы час аказаўся невінаватым.
Сапраўды, шматзначная карціна, не простая.
На думку некаторых жыхароў суседняга дома, графіці — дэпрэсіўнае. Яны называюць яго «анёлам смерці». Жыхары звярнуліся на сайт Onliner.by, патрабуючы, каб графіці замалявалі ці змянілі.
Алег Ларычаў, арганізатар фестывалю Urban Myths, у рамках якога і з'явілася спрэчнае графіці, кажа, што ў выканкам прыйшло два негатыўныя і тры пазітыўныя водгукі. Таму, паколькі малюнак быў папярэдне ўзгоднены з адміністрацыяй Кастрычніцкага раёна, Ларычаў спадзяецца, што замалёўваць яго не будуць.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары