У Мар'інай Горцы супрацоўнікі галоўнага ўпраўлення крымінальнага вышуку (ГУУР) МУС пры падтрымцы САХРа ўнутраных войскаў затрымалі сёння грамадзяніна Расіі, які знаходзіўся ў міждзяржаўным і міжнародным вышуку, паведамілі ў МУС Беларусі.
Ураджэнец Татарстана 1973 нараджэння абвінавачваецца ў тым, што з 2001 па чэрвень 2015 года ў складзе банды здзейсніў шэраг цяжкіх і асабліва цяжкіх злачынстваў: бандытызм, выкраданне чалавека, вымагальніцтва, разбоі.
Вядома, што ён быў раней судзімы за ўчыненне вымагальніцтваў у асабліва буйным памеры ў складзе арганізаванай групы. У нашу краіну ён прыбыў з Расіі і хаваўся ў Мар'інай Горцы на здымных кватэрах. Абвінавачаны жыў за кошт беларускі, да якой увайшоў у давер.
Затрыманы змешчаны ў ізалятар часовага ўтрымання да разгляду пытання аб яго выдачы праваахоўным органам Расіі.
Па словах начальніка галоўнага ўпраўлення крымінальнага вышуку крымінальнай міліцыі МУС Беларусі Анатоля Саковіча, затрыманню папярэднічала аналітычная праца супрацоўнікаў ГУУР і аператыўных падраздзяленняў УУС Мінскага аблвыканкама.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?3
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1919
Каментары