Іранскія агенты знаходзіліся ў Маямі, сачылі за яго домам і перамяшчэннямі, сцвярджае адзін з каналаў.
Сын прэм'ер-міністра Ізраіля Яір Нетаньяху быў тэрмінова вывезены з Маямі ў Ізраіль праз сур'ёзную пагрозу яго бяспецы, паведамляе Bild.
Гэта пацвердзіла ізраільская спецслужба Шын-Бэт. «Сапраўды існавала значная небяспека. Пасля ацэнкі сітуацыі было вырашана тэрмінова вярнуць яго ў Ізраіль разам з групай аховы», — гаворыцца ў заяве спецслужбы.
Тэлеканал Newsmax са спасылкай на крыніцу ў амерыканскіх праваахоўных органах сцвярджае, што напрыканцы мінулага года Яір Нетаньяху стаў цэллю меркаванага іранскага плана замаху.
Паводле даных канала, іранскія агенты знаходзіліся ў Маямі, сачылі за яго домам і перамяшчэннямі. Пасля гэтага Нетаньяху-малодшаму, як сцвярджаецца, загадалі неадкладна з'ехаць, і ён пакінуў ЗША, не забраўшы асабістыя рэчы.
Шын-Бэт пры гэтым не пацвердзіў, што пагроза сыходзіла менавіта ад Ірана. Раней Беньямін Нетаньяху публічна заяўляў, што Тэгеран спрабаваў забіць аднаго з яго сыноў, але не ўдакладняў, каго менавіта.
На гэтым тыдні сакратар Вышэйшай рады нацыянальнай бяспекі Ірана Махсен Рэзаі таксама публічна пагражаў самому Нетаньяху.«Мы адправім Беньяміна Нетаньяху, прэм'ер-міністра сіянісцкага рэжыму, у пекла», — заявіў ён.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?3
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1919
Каментары