Заўтра, 15 снежня, Украіна можа атрымаць права на бязвізавы рэжым з Еўрапейскім саюзам, у прыватнасці Еўракамісія дасць станоўчыя рэкамендацыі для адмены візаў.
Пра гэта перад пасяджэннем Рады ЕС па замежных справах у Брусэлі заявіў камісар па еўрапейскай палітыцы суседства і перамоў аб пашырэнні Ёханэс Хан.
Па словах Хана, заўтра, 15 снежня, Украіна, Грузія і, хутчэй за ўсё, Косава будуць мець магчымасць атрымаць права на бязвізавы рэжым.
«На гэтым тыдні мы атрымаем станоўчыя справаздачы і рэкамендацыі па пытаннях візавай лібералізацыі», - сказаў Ёханэс Хан.
Нагадаем, раней паведамлялася, што ЕС адменіць візы для Украіны і Грузіі ў сярэдзіне 2016 года.
Цяпер чытаюць
Качанава прапанавала ўвесці адказнасць за «няпраўду ў тыктоку»12
Каментары