У 2025 годзе польскае грамадзянства атрымалі 6,5 тысячы беларусаў
У 2025 годзе польскае грамадзянства атрымалі 19 тысяч замежнікаў, у тым ліку 6,5 тыс. грамадзян Беларусі. Такую статыстыку агучылі ў Сейме прадстаўнікі МУС, піша Most.
Гэтыя даныя ўключаюць як тых, хто быў прызнаны польскім грамадзянінам (такое рашэнне прымае ваявода), так і тых, хто атрымаў грамадзянства паводле рашэння прэзідэнта.
Беларусы — другая па колькасці група замежнікаў, якія атрымліваюць грамадзянства Польшчы.
На першым месцы — украінцы. Летась польскі пашпарт атрымалі 10 тыс. грамадзян гэтай краіны. За беларусамі з вялікім адрывам ідуць расіяне (759 чалавек).
Часцей за ўсё з хадайніцтвам аб прызнанні польскімі грамадзянамі звяртаюцца замежнікі польскага паходжання, якія раней мелі карту паляка.
З 19 тыс. чалавек, якія сталі польскімі грамадзянамі ў 2025 годзе, 5 тыс. склалі непаўналетнія, уключаныя ў заявы бацькоў.
Цяпер у Польшчы ідзе кампанія па ўзмацненні ўмоў прызнання грамадзянамі Польшчы.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары