Віцебскі абласны суд разгледзіць справу пра абразу ў інтэрнэт-чаце «Пайшла прэч, ведзьма!»
У інтэрнэт-чаце жыхарка Наваполацка назвала суразмоўніцу ведзьмай і была аштрафаваная судом горада. Абгрунтавана ці не, вызначыць вышэйстаячая інстанцыя пасля Новага года, паведаміла карэспандэнту БелТА прэс-сакратар Віцебскага абласнога суда Наталля Платоненка.
Законнасць і абгрунтаванасць вынесенай 14 снежня судом Наваполацка пастановы па справе аб адміністрацыйным правапарушэнні па арт.9.3 КаАП Беларусі будуць правераны ў судзе другой інстанцыі 13 студзеня.
Новапалачанка была аштрафаваная на Br360 тыс. за тое, што ў асабістай перапісцы ў сацыяльнай сетцы назвала іншую жанчыну ведзьмай.
Суразмоўніцы асабіста не знаёмыя, але ініцыятарка перапіскі адправіла апанентцы паведамленне наступнага зместу: «Калі сур'ёзна хварэюць дзеці — значыць, Бог карае бацькоў. Задумайцеся». На што атрымала адказ: «Пайшла прэч, ведзьма!»
Скрыншот гэтай гутаркі разляцеўся па сацыяльных сетках. І пакрыўджаная звярнулася ў міліцыю з заявай. Суд вырашыў, што адказчыца наўмысна ў непрыстойнай форме абразіла суразмоўніцу, прынізіўшы яе гонар і годнасць у непрыстойнай форме.
Цяпер чытаюць
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары