За мінулыя суткі ў сталічную службу хуткай медыцынскай дапамогі з прычыны галалёдных траўмаў звярнуўся 21 чалавек.
Пра гэта паведаміў галоўны спецыяліст аддзела прававой работы і арганізацыі медыцынскай абароны пры надзвычайных сітуацыях камітэта па ахове здароўя Мінгарвыканкама Мікалай Тукала.
«Калі 25 студзеня служба хуткай зарэгістравала ўсяго адзін зварот з прычыны галалёдных траўмаў, то 26 студзеня — 21. Віной таму галалёдзіца, да якой прывялі рэзкія перапады тэмпературы і ападкі», — сказаў Мікалай Тукала.
Каб пазбегнуць галалёдных траўмаў, спецыялісты раяць хадзіць па дарогах, апрацаваных спецыяльнай сумессю. Немалаважны момант у прафілактыцы галалёднага траўматызму — належны абутак.
Пераважней — на плоскай рыфленай падэшве, з добрым пратэктарам. Абцас павінен быць шырокім, не вышэй за 3—4 см. Акрамя таго, медыкі раяць карыстацца ў зімовы час ледаступамі — адмысловымі гумовымі накладкамі для абутку супраць слізгання.
Каб мінімізаваць рызыку падзення, дактары рэкамендуюць перасоўвацца ў галалёд павольна, як бы слізгаючы. Калі адчулі, што губляеце раўнавагу, трэба прысесці, каб паменшыць вышыню падзення, локці прыціснуць да бакоў, а галаву ўцягнуць.
Пры гэтым падаць лепш на бок.
Паваліўшыся, не варта адразу ж ускокваць, неабходна ацаніць сітуацыю. Калі нешта баліць, варта звярнуцца па дапамогу да людзей, што побач, або звярнуцца па меддапамогу.
Цяпер чытаюць
Дзеячы эміграцыі пасварыліся з нагоды спісаў запрошаных на прыём да прэзідэнта Польшчы33
Каментары