У студзені нарвежскі парламент без асаблівых спрэчак прыняў рашэнне пашырыць прызыў ва ўзброеныя сілы маладых дзяўчат, і такім чынам першай у НАТА і Еўропе зрабіў службу абавязковай для абодвух палоў.
«Правы і абавязкі павінны быць аднолькавымі для ўсіх. Узброеным сілам патрэбныя найлепшыя кадры незалежна ад полу», — адзначыла дэпутат Лайла Густаўсан.
У 2016 годзе таксама Нарвегія святкуе 100 год з даты, калі жанчыны атрымалі палітычнае права голасу.
Цяпер Нарвегія прызывае прыкладна 10 000 чалавек у год з агульнай колькасці 60 000 чалавек у адпаведнай узроставай групе. Пры гэтым ахвотных прызвацца болей за патрэбы арміі.
«Мы ўводзім прызыў для жанчын не таму, што нам трэба болей жаўнераў, а таму, што нам патрэбныя найлепшыя, незалежна ад таго, хто яны», — сказала міністр абароны Нарвегіі Ганна-Грэта Стром-Эрыксан, перадае сайт norway.org.uk.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе23
Каментары