Намесніца прэм'ер-міністра Наталля Качанава на калегіі Міністэрства аховы здароўя выказала меркаванне, што медыкі «як працуюць, так і зарабляюць».
Яна адзначыла, што «малады чалавек, які прыходзіць вучыцца ў медыцынскую ВНУ, наўрад ці разлічвае атрымліваць велізарную зарплату».
«Калі чалавек прыняў для сябе рашэнне ісці вучыцца ў няпростай ВНУ, значыць, прыняў рашэнне працаваць на карысць людзей, на карысць народа. З гэтага пункту гледжання і трэба рыхтаваць будучых медыкаў», — сказала намесніца прэм'ер-міністра, якая пераехала ў Мінск з пасады кіраўніца гарвыканкама Наваполацка.
На адной з прэс-канферэнцый Аляксандр Лукашэнка сказаў, што забраў Качанаву ў Мінск па рэкамендацыі спецслужбаў, якія звярнулі ўвагу на яе кандыдатуру. Пачынала Качанава ў Наваполацку ў камунальнай гаспадарцы, а цяпер кіруе ўсёй сацыяльнай сферай, у тым ліку аховай здароўя, адукацыяй і культурай.
Доля выдаткаў на ахову здароўя ад ВУП у Беларусі расла: 2011-ы — 2% ВУП, 2012-ы — 3,8%, 2013-ы — 4%, 2014-ы — 4,2%, 2015 — 4,4%.
Гэта больш чым у Расіі ці Казахстане. Але ў дзесяці новых краінах Еўрасаюза, дзе працягласць жыцця даўжэйшая (маюцца на ўвазе Польшча, Чэхія, Латвія і г.д.) на ахову здароўя трацяць 5,4% ад ВУП. Прычым і ВУП там вышэйшы, чым у нас. Напрыклад, паводле звестак Нацыянальнага фонду страхавання Літвы, у гэтай краіне на ахову здароўя траціцца 7% ад ВУП.
У ЗША на здароўе трацяць 17,2% ад ВУП, у Брытаніі — 9,4%.
Сярэдняя зарплата доктара ў Беларусі складае на сёння каля 500 даляраў. У Польшчы яна — 1500 даляраў.
* * *
Чытайце таксама:
Гісторыя жыцця Наталлі Качанавай: як валейбалістка з водаканала стала самай высокапастаўленай жанчынай Беларусі
-
Стала вядома, куды ўладкаваўся кіраўнік Калінкавіч, які ў 2022 годзе сустракаў расійскіх вайскоўцаў з хлебам-соллю
-
Былая беларуская журналістка Судлянкова, якую ў Чэхіі абвінавацілі ў працы на расійскую разведку, з'ехала ў Маскву
-
Шматдзетная сям'я распавяла, што траціць на ежу 700-800 рублёў штомесяц. Людзі ў шоку, што ім хапае
Цяпер чытаюць
Бедны, расчараваны — асабліва ў родных — і нікому непатрэбны. Злы дзённік Барадуліна дазваляе зазірнуць унутр генія21
Каментары