«Няма нічога больш важнага для нас, чым вашае здароўе і бяспека вашых сем'яў», — кажа амерыканскім маракам у кароткім роліку, які быў апублікаваны сёння ў афіцыйным блогу Facebook, камандуючы медыцынскай службай ВМФ ЗША віцэ-адмірал Клінтан Форэст Фэйзан.
Вірус Зіка, адкрыты ў 1947 годзе, атрымаў шырокае распаўсюджанне ў Лацінскай Амерыцы. Галоўнае, што палохае людзей — калі інфікуецца цяжарная жанчына, рэзка падвышаецца небяспека цяжкай інваліднасці дзіцяці.
Мяркуем, інфармацыя карысная і для беларусаў, якія працуюць ці хочуць паехаць у турыстычную вандроўку ў Новы Свет.
Галоўны медык самага магутнага ў свеце флоту распавядае, што:
1) Вакцыны ад віруса ці распрацаваных спосабаў лячэння хваробы цяпер няма.
2) Сімптомы (назіраюцца не ў кожнага інфіцыраванага):
— падвышаная тэмпература
— «чырвоныя вочы»,
— боль у мышцах і суставах,
— сып,
— галаўны боль.
3) Мінімізацыя рызыкі інфекцыі:
— адмовіцца ад вандровак у краіны, дзе з'явіўся вірус,
— там, дзе вірус актыўны, насіць вопратку, якая закрывае цела, шыю, рукі і ногі,
— часта выкарыстоўваць рэпеленты ад насякомых,
— максімальны час заставацца ў зачыненых памяшканнях з працуючымі кандыцыянерамі,
— спаць у ложках пад маскітнымі сеткамі,
— абмяжоўваць сэксуальныя кантакты.
4) Галоўныя шляхі пераносу віруса:
— камары,
— неабаронены сэкс.
Каментары