У Бангладэш міністр, адказны за пачатковую адукацыю, заявіў, што ўсе дырэктары дзяржаўных школ па ўсёй краіне павінны падпісаць абавязацельства забараніць настаўнікам біць школьнікаў.
Школы таксама будуць абавязаныя вывесіць на бачным месцы правілы, якія забараняюць лупцоўку і любыя іншыя цялесныя пакаранні.
Цялесныя пакаранні ў школах былі забароненыя Высокім судом некалькі гадоў таму, аднак, як кажуць праваабаронцы, яны па-ранейшаму прымяняюцца ў больш чым 350 школах.
У многіх сельскіх школах бацькі патрабуюць, каб настаўнікі ўжывалі цялесныя пакаранні ў якасці выхаваўчай меры.
Каментары