Мodum выпусціць лінію моладзевай касметыкі «Asoba» з беларускім арнаментам
Парфумерна-касметычная фабрыка «Модум» у хуткім часе збіраецца выпусціць лінію моладзевай касметыкі «Asoba». Лінія адметная сваім дызайнам: назвы будуць напісаныя беларускай лацінкай, а ўпакоўкі — упрыгожаныя беларускім арнаментам.
Крэм утрымлівае пчаліны воск, вітамін Е, Д-пантэнол і алантаін, экстракты абляпіхі і палыну. Аб'ём — 75 г, тэрмін прыдатнасці — 36 месяцаў.
Падрабязней пра нацыянальную лінію касметыкі распавёў аўтар канцэпцыі дызайну ўпакоўкі «Asoba» Анатоль Лазар.
«Гэта была ініцыятыва кампаніі, бо, правёўшы маркетынгавае даследванне, мы зразумелі, што попыт на беларускую нацыянальную прадукцыю ёсць. Будуць сродкі як для здаровай і, так і праблемнай скуры. Будуць крэмы для рук, твару, пілінгі і гэтак далей».
Прадукцыя разлічаная на моладзь, якой падабаецца беларуская мова. Безумоўна, быў улічаны маркетынгавы фактар, што людзей, якія размаўляюць па-беларуску, гэта прывабіць.
Аўтар адзначае, што назва напісаная на лацінцы з улікам экспарту ў іншыя краіны. «Гэтая прадукцыя ў суседніх краінах будзе прэзентавацца як беларуская, таму гэта павінна станоўча адлюстравацца на ідэнтыфікацыі Беларусі за мяжой».
Ці спадабаўся вам дызайн? Выказвайцеся ў каментах!
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам17
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары