Супрацоўнікі ФБР здолелі ўзламаць заблакаваны мабільны тэлефон iPhone, які належаў ўдзельніку нападу на мірных грамадзян у каліфарнійскім Сан-Бернадына Саіду Фаруку.
Пакуль не паведамляецца, як менавіта ФБР здолела атрымаць доступ да інфармацыі. Аднак ужо вядома, што на гэтым гучны судовы разгляд з вытворцам смартфона — кампаніяй Apple — завершыцца.
Раней суд па просьбе ФБР абавязаў кампанію распрацаваць праграмнае забеспячэнне, якое дапаможа разблакаваць тэлефон застрэленага пры затрыманні Фарука. Гэта тлумачылі тым, што тэлефон можа ўтрымліваць важную для следчых інфармацыю.
Аднак Apple адмовілася выконваць рашэнне суда і абскардзіла яго ў вышэйшай інстанцыі. У кампаніі заявілі, што лічаць такія дзеянні парушэннем правоў кліентаў. Многія IT-кампаніі яе падтрымалі.
Праблема ФБР заключалася ў сістэме бяспекі смартфона. Усе дадзеныя на iPhone аўтаматычна знішчаюцца пасля 10 няўдалых спроб уводу кода доступу да тэлефона. Нават сама кампанія не можа атрымаць доступ да файлаў у памяці смартфона.
Саід Фарук і яго жонка Ташфін Малік 3 снежня адкрылі стральбу ў амерыканскім горадзе Сан-Бернадына. У выніку загінулі 14 бяззбройных людзей. Самі муж і жонка былі забітыя паліцыяй.
Цяпер чытаюць
Лукашэнка параіў узбекам шукаць вялікія грошы ў Расіі11
Лукашэнка параіў узбекам шукаць вялікія грошы ў Расіі
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары