Гурт «J:морс» прадставіў у інтэрнэце відэаканцэрт «Воздух 360° Live», зняты ў фармаце панарамнага відэа – глядач можа самастойна змяняць напрамак агляду ў любы бок у рэжыме рэальнага часу.
«Воздух 360° Live» з’яўляецца відэаверсіяй аншлагавай канцэртнай прэзентацыі новага альбома «Воздух», якую стварыла творчая суполка Ideas Studio. Гэта першы ў Беларусі афіцыйны музычны рэліз вялікай працягласці ў такім фармаце.
Канцэрт можна бясплатна глядзець на YouTube без дадатковых прыстасаванняў. Можна яго і проста слухаць. Але ёсць і прасунуты варыянт – пры праглядзе на тэлефоне з дапамогай адмысловых акуляраў – Google Cardboard (і іх аналагаў) можна паспрабаваць эфект віртуальнай рэальнасці. Набыць акуляры, аздобленыя адмыслова пад гэты рэліз, можна на сайце OZ.by.
– Нам падабаецца эксперыментаваць з рознымі тэхнічнымі штукамі. Для мяне найбольш цікавы момант праекта ў тым, што ўпершыню кожны глядач здолее пабываць з намі ў розных кутках сцэны, пастаяць побач з кожным удзельнікам гурта, паглядзець ва ўсе бакі яго вачыма. Прычым у акулярах атрымліваецца амаль поўны эфект прысутнасці, – распавёў лідар гурта Уладзімір Пугач.
Тым часам 19 красавіка ў ПК Прафсаюзаў у Мінску гурт «J:морс» прэзентуе праграму «Песни для Джульетты. Акустика». Квіткі ад 350 да 550 тыс. руб. Інфалінія і дастаўка (без нацэнкі): (029) 851 77 06, (044) 551 77 06.
Каментары