Прэзідэнт ЗША Барак Абама назваў сваёй галоўнай памылкай на пасадзе дрэннае планаванне аперацыі ў Лівіі. Заява прэзідэнта прагучала ў інтэрв'ю праграме Fox News Sunday 10 красавіка.
Па словах Абамы, ён не змог спланаваць тое, што адбылося пасля ўварвання заходніх войскаў у Лівію. Пры гэтым сама інтэрвенцыя была «правільным рашэннем».
Абама таксама заявіў, што найлепшым на пасадзе прэзідэнта стаў дзень, калі прайшоў яго законапраект аб рэформе аховы здароўя, а найгоршым — дзень падарожжа ў Ньютаўн пасля страляніны ў школе ў Сэндзі-Хук.
***
У Лівіі ў пачатку 2011 года пачалася грамадзянская вайна. У сакавіку 2011 года была сфарміравана міжнародная кааліцыя з удзелам ЗША, якая ўстанавіла над Лівіяй забароненую для палётаў зону і наносіла авіяўдары па пазіцыях лаяльных Муамару Кадафі войскаў. Да пачатку восені 2011 года пад кантролем Кадафі заставалася толькі нязначная частка тэрыторыі Лівіі. 20 кастрычніка Кадафі быў забіты ў горадзе Сірт.
Пасля гібелі Кадафі ў Лівіі працягнуліся ўзброеныя сутыкненні паміж рознымі групоўкамі, а законнай уладай у краіне сябе абвясцілі адразу два ўрады, якія базаваліся ў Трыпалі і ў Табруку. З 2014 года на поўначы Лівіі дзейнічаюць баевікі «Ісламскай дзяржавы».
Цяпер чытаюць
Хто забараняе ў Беларусі кнігі — вось гэтыя 22 чалавекі28
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары