Міністар культуры Сафар Харандзі заклікаў пісьменьнікаў цэнзураваць свае кнігі, калі яны хочуць друкавацца ў Іранскай рэспубліцы.
Як паведамляе аўтарытэтны брытанскі сайт Telegraph.co.uk, міністар просіць цэнзураваць старонкі, якія могуць выклікаць спрэчку.
Гэта тычыцца, перш за ўсё, апісаньняў прыватных стасункаў паміж мужчынам і жанчынай і «кпінаў з рэлігіі — ня важна, Іслам гэта, ці Хрысьціянства».
Іранскія выдаўцы залежаць ад дзяржаўных субсыдыяў на паперу, і кнігі ў першым выданьні рэдка выходзяць колькасьцю больш за 5.000 асобнікаў.
У мінулыя два гады было забароненае выданьне некалькіх новых кнігаў, у тым ліку — апошняга раману Габрыэля Гарсыя Маркэса.
Таксама, па‑за выданьнем застаецца Садэг Хедаят. «Сьляпая сава» Хедаята лічыцца галоўным літаратурным творам Ірана ў ХХ стагодзьдзі.
Цяпер чытаюць
Хто тая Аліна, з якой Лукашэнка танцаваў гэтым разам на навагоднім балі23
Каментары