«Начныя ваўкі» прыбылі ў Мінск — актывісты БРСМ сустракалі іх з кветкамі
Калона «Начных ваўкоў» у складзе прыкладна 50 матацыклістаў прыехала да Кургана Cлавы пад Мінскам. Да матацыклаў былі прымацаваныя сцягі Расіі, СССР і сімволіка «Начных ваўкоў». На некалькіх матацыклах бачныя сцягі Рэспублікі Беларусь. Узначальвае калону Аляксандр Залдастанаў — прыяцель прэзідэнта Расеі Уладзіміра Пуціна і заснавальнік байк-клуба. Сустракалі іх каля дваццаці актывістаў БРСМ са сцягамі і кветкамі.
Байкеры ўсклалі кветкі да Кургана Cлавы і зладзілі імправізаваны мітынг-рэквіем. Далей байкеры плануюць ехаць у мемарыял у Хатыні.
Прадстаўнікі байкерскага клуба «Начныя ваўкі» збіраюцца правесці мотапрабег да Берліна, іх маршрут ляжыць праз Беларусь. Раніцай 1 мая яны правядуць прэс-канферэнцыю ў Брэсце ў консульстве Расеі. Пасля гэтага яны збіраюцца разам паехаць да памежнага пераходу «Варшаўскі мост». Летась іх маршрут на гэтым і спыніўся. Сёлета таксама могуць узнікнуць цяжкасці, бо Польшча ўжо абвясціла, што не збіраецца прапускаць гэтых байкераў на сваю тэрыторыю.
Рэч у тым, што «Начныя ваўкі» вылучаюцца радыкальна нацыяналістычнымі поглядамі. Некаторыя з іх бралі ўдзел у штурмавых групах у часе захопу Крыма і часткі Данбаса.
Апытанка
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца10
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары