Санкцыі, уведзеныя супраць Расеі, абмежавалі яе здольнасць прыстасавацца да падзення нафтавых коштаў. Такое меркаванне, як паведамляе ТАСС, выказаў афіцыйны прадстаўнік адміністрацыі прэзідэнта ЗША Джош Эрнэст.
ЗША і іх еўрапейскія саюзнікі, як адзначыў Эрнэст, эфектыўна скаардынавалі ўвядзенне санкцый супраць Масквы. «Гэта аказала негатыўны эфект на іх [Расіі] эканоміку», — заўважыў ён.
Прадстаўнік Белага дома выказаў упэўненасць, што адной з галоўных прычын эканамічных праблем Расіі стала зніжэнне коштаў на энерганосьбіты. «Але здольнасць эканомікі Расіі адрэагаваць на гэта аказалася абмежаваная санкцыямі», — дадаў ён.
Пры гэтым Эрнэст заявіў, што пакуль Вашынгтон не бачыць змены стратэгіі Масквы, на якую ён разлічваў, і запэўніў, што ЗША гатовыя аслабіць санкцыі, «як толькі Расія прадэманструе імкненне выканаць свае абавязацельствы, якія яна ўзяла на сябе падчас перамоваў».
У сярэдзіне сакавіка міністр фінансаў ЗША Джейкаб Лью выказаў меркаванне, што заходнія санкцыі адчувальна шкодзяць Расіі. «Мы распрацавалі гэтыя санкцыі так, каб звесці да мінімуму пабочныя наступствы для іншых і нацэліць іх на людзей, якія бліжэй за ўсіх стаяць да прыняцця рашэння. Думаю, яны вельмі эфектыўныя», — сказаў ён.
Міністр не змог з дакладнай ацэнкай іх уздзеянне, так як, паводле яго слоў, «ва ўмовах хуткага падзення коштаў на нафту ёсць шмат фактараў, якія шкодзяць расійскай эканоміцы». «Але расейская эканоміка ў жахлівым стане, і збольшага з-за санкцый», — дадаў ён.
Цяпер чытаюць
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3737
Каментары