У Маскве на парадзе Перамогі паказвалі вайсковую тэхніку, што выкарыстоўвалася ў Сірыі
Парад Перамогі ў гонар 71-й гадавіны Перамогі ў Вялікай Айчыннай вайне завяршыўся на Краснай плошчы ў Маскве. Парад прымаў прэзідэнт Расіі Уладзімір Пуцін.
«Дзевятага мая — гэта і дзяржаўнае і вельмі асабістае сямейнае свята. Яно стала сімвалам свяшчэннай роднасці Расіі і яе народа. І ў такой згуртаванасці, а таксама адданасці радзіме наша сіла, упэўненасць і годнасць», — сказаў Пуцін.
Сярод ваеннай тэхнікі, якая ўдзельнічала ў парадзе Перамогі ў Маскве на Краснай плошчы, была і найноўшая зенітная ракетная сістэма (ЗРС) вялікай і сярэдняй далёкасці С-400 «Трыумф». Адзначаецца, што ў свеце няма сістэм, роўных па баявых магчымасцях С-400.
Механізаваную парадную калону ўзначаліў лепшы сярэдні танк Другой сусветнай вайны — Т-34. Пры гэтым на парадзе былі паказаныя ўжо выпрабаваныя ў войсках танкі Т-14 на уніфікаванай базавай платформе «Армата».
Потым на Краснай плошчы з'явілася ракетная тэхніка — аператыўна-тактычныя ракетныя комплексы (АТРК) «Іскандэр», зенітна-ракетныя комплексы (ЗРК) «Тор-М2У» і «Бук-М2», зенітны ракетна-гарматны комплекс «Панцыр-З».
Пасля парада прэзідэнт Расіі Уладзімір Пуцін і прэзідэнт Казахстана Нурсултан Назарбаеў ўсклалі кветкі да Магілы Невядомага Салдата ў Маскве. Таксама Пуцін і Назарбаеў ўсклалі кветкі да абеліскаў гарадоў-герояў.
Зняволены расказаў, як сядзеў у калоніі ў Глыбокім у суседняй камеры са Статкевічам3
Каментары