Мінскі гарадскі дэльфінарый «Нэма» зачынены на двухтыднёвую рэканструкцыю, паведамілі ва ўстанове.
«Дэльфінарый зачынены на планавую рэканструкцыю. У прыватнасці, трэба адрамантаваць басейн. Работы не зоймуць шмат часу. Чакаецца, што наведвальнікаў дэльфінарый прыме ў першых чыслах чэрвеня», — інфармавалі ў адміністрацыі «Нэма».
Мінскі гарадскі дэльфінарый «Нэма» адкрыўся ў 2011 годзе. Сярод асноўных задач аб'екта, разлічанага на 700 наведвальнікаў, — папулярызацыя ведаў аб марскіх млекакормячых, прапаганда прыродаахоўных ідэй, развіццё экалагічнай культуры сярод насельніцтва.
У Мінскім дэльфінарыі жывуць паўночныя марскія коцікі Ялінка і Алекс, а таксама ціхаакіянскія дэльфіны Геркулес, Віта, Х'юга і марское львяня Нікалас.
Дзейнасць дэльфінарыя носіць эколага-адукацыйны характар. На шоу распавядаецца пра фізіялогію і характары дэльфінаў, асаблівасці іх паводзін, а таксама пра неабходнасць беражлівага стаўлення да дэльфінаў. Дзеці з дзіцячых дамоў, дзеці-сіроты, дзеці-інваліды могуць калектыўна наведваць дэльфінарый бясплатна.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары