Арганізатар конкурсу «Еўрабачанне» адказаў на петыцыю з патрабаваннем перагледзець вынікі спаборніцтва. У адказе падкрэсліваецца, што Украіна «ёсць і застанецца пераможцам» Еўрабачання-2016.
Адказ аўтарам петыцыі аб пераглядзе вынікаў «Еўрабачання», дзе перамагла ўкраінская спявачка Джамала, апублікаваны на афіцыйнай старонцы конкурсу ў Facebook.
«Еўрабачанне» — гэта конкурс. У ім можа быць толькі адзін пераможца. Мы разумеем, што не ўсе згодныя з вынікамі конкурсу «Еўрабачанне» ў гэтым годзе, аднак у спаборніцтве, дзе вынікі вызначаюцца на падставе суб'ектыўнай і часцяком вельмі індывідуальнай думкі, заўсёды знойдуцца людзі, якія будуць не згодныя», — гаворыцца ў паведамленні.
Відэа, у якім паведамляецца аб тым, што вынікі «Еўрабачання» не будуць перагледжаны, з'явілася таксама на афіцыйнай старонцы арганізатара конкурсу, Еўрапейскага вяшчальнага саюза (EBU).
У паведамленні на старонцы «Еўрабачання» паказваецца, што вынікі конкурсу застануцца ў сіле ў адпаведнасці з правіламі, якія былі вядомыя ўсім удзельнікам Еўрапейскага вяшчальнага саюза, выканаўцам і прыхільнікам.
«Украіна ёсць і застанецца пераможцам «Еўрабачання» ў 2016 годзе. Згодныя вы з гэтым ці не, мы заклікаем тых, хто падпісаў петыцыю вітаць вынік, які адпавядае правілам, і працягнуць канструктыўны дыялог аб шляхах далейшага ўмацавання і паляпшэння «Еўрабачання», — адзначаецца ў адказе аўтарам петыцыі.
У заяве таксама падкрэсліваецца, што пераможцы конкурсу вызначалі прафесіяналы музычнай індустрыі і гледачы, чые галасы адбіліся на выніках ў роўнай ступені. «Прадстаўніца Украіны Джамала перамагла дзякуючы шырокай падтрымцы як з боку журы, так і з боку гледачоў», — адзначаецца ў паведамленні.
«Дамі Ім з Аўстраліі выйграла галасаванне журы, расіянін Сяргей Лазараў выйграў тэлегаласаваннем. Яны абодва заслугоўваюць павагі за іх першакласныя выступы і цудоўныя песні і за тое, што ўспрынялі паразу як сапраўдныя прафесіяналы. Магчыма, яны не выйгралі конкурс, але адрэагавалі на вынікі як пераможцы. Мы паважаем і цэнім іх за гэта», — падкрэсліваецца ў паведамленні.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне6
Каментары