Пакуль невядома, ці трапіў мяльдоній у іх арганізм у дазволены час — да 1 студзеня.
Міністэрства спорту і турызму Беларусі абвяргае інфармацыю французскай газеты Le Monde пра допінг у беларускай камандзе па веславанні на байдарках і каноэ.
Афіцыйнае паведамленне размешчана на сайце Мінспорту:
«У французскай газеце Le Monde сёння з'явілася паведамленне са спасылкай на нейкую неназваную крыніцу, нібыта блізкую да расследавання абставінаў ператрусу і допыту каманды Беларусі па веславанні на байдарках і каноэ з боку мясцовага антыдопінгавага агенцтва, паліцыі і пракуратуры.
Газета паведамляе, што быццам бы 17 допінг-пробаў беларускіх весляроў паказалі станоўчы вынік на забароненае рэчыва мельдоній, канцэнтрацыя якога ў крыві спартсменаў не ўдакладняецца.
Акрамя таго, адзначаецца, што падчас ператрусу былі знойдзеныя сляды «больш цяжкага допінгу, чым мельдоній», «стымулюючыя прадукты» і «інструменты для падскурнага, нутрацягліцавага і іншых спосабаў увядзення лекавых сродкаў».
Як паведамілі прэс-службе Міністэрства спорту і турызму Беларусі ў Беларускай асацыяцыі каноэ, інфармацыя, апублікаваная газетай Le Monde, не адпавядае рэчаіснасці і адкрыта ўводзіць чытачоў у зман».
Аднак галоўны трэнер зборнай Уладзімір Шантаровіч прызнаў, што сляды мяльдонію сапраўды выяўленыя ў пяці беларускіх спартсменаў, двое з іх — гэта алімпійскія чэмпіёны браты Багдановічы.
«Яшчэ трое — канаіст Максім Пятроў, байдарачнікі Аляксандр Ляпешка і Дзмітрый Сільчанка — не ўваходзяць у алімпійскую зборную. Ніякага «цяжэйшага допінгу», як паведамляецца, у хлопцаў не знойдзена. Пробы былі ўзятыя ў сакавіку Французскім нацыянальным антыдопінгавым агенцтвам. Пры гэтым, наколькі мне вядома, змест мельдонія ва ўсіх тэстах не перавышае нормаў. Тым не менш зараз вядзецца расследаванне з гэтай нагоды. Французскае агенцтва будзе высвятляць, калі менавіта забаронены цяпер прэпарат трапіў у арганізм беларускіх спартсменаў - да або пасля 1 студзеня. Кожны выпадак раследуецца асобна», — заявіў ён.
Ужыванне мяльдонія было забаронена з 1 студзеня 2016.
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары