У Пінску 23-гадовы мужчына абвінавачваецца ў замаху на забойства жонкі, якая знаходзілася на сёмым месяцы цяжарнасці.
Канфлікт паміж мужам і жонкай разгарэўся 5 сакавіка ў кватэры іх агульных знаёмых. Падчас сваркі мужчына схапіў нож і стаў ім наносіць удары жонцы ў вобласць спіны. Абодва на той момант знаходзіліся ў стане ап'янення. Дзве жанчыны, якія сталі відавочцамі здарэння, сталі адцягваць мужчыну і паклікалі на дапамогу астатніх гасцей.
Пацярпелая не хацела, каб па яе прыязджала хуткая дапамога, і запатрабавала адмяніць выклік, зроблены сведкамі. Калі навакольныя заўважылі рэзкае пагаршэнне яе стану, то адвезлі яе на таксі ў бальніцу. Нанесеныя пацярпелай цялесныя пашкоджанні прывялі да перарывання цяжарнасці і ўнутрычэраўнай гібелі плода.
Агулам эксперты налічылі ў пацярпелай 5 нажавых раненняў. 25-гадовая жанчына пазней паведаміла, што прэтэнзій да мужа не мае, і патрабавала не прыцягваць яго да крымінальнай адказнасці. Сам мужчына падчас следства не патлумачыў матываў свайго ўчынку.
Абласное ўпраўленне Следчага камітэта завяршыла расследаванне крымінальнай справы: 23-гадовы пінчук абвінавачваецца ў замаху на забойства заведама цяжарнай жанчыны. Справа перададзеная ў суд.
«Абвінавачаны раней 9 разоў асуджаны за здзяйсненне карыслівых злачынстваў. У шлюбе з пацярпелай знаходзіцца з 2013 года, пара мае агульнага сына, 2015 года нараджэння. Таксама ў жанчыны ёсць яшчэ адно дзіця, 2006 года нараджэння», — паведамілі ў абласным упраўленні Следчага камітэта.
Цяпер чытаюць
18‑гадовага хлопца абвінавацілі ў адмаўленні генацыду беларускага народа20
18‑гадовага хлопца абвінавацілі ў адмаўленні генацыду беларускага народа
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы77
Каментары