У горадзе Куінсі (штат Масачусэтс, ЗША) шасцігадовы Робі Рычардсан патэлефанаваў у службу 911 пасля таго, як яго бацька праехаў скрыжаванне на чырвоны сігнал святлафора.
Супрацоўнікі паліцэйскага дэпартамента выклалі запіс забаўнай размовы ў YouTube.
На запісы чуваць, як Робі распавядае афіцэру паліцыі пра тое, як яго бацька Майкл парушае правілы дарожнага руху.
«Мой тата праехаў на чырвонае святло. Мы былі ў новай машыне. Мы павінны былі ехаць на аўтамыйку, і ён паехаў на чырвонае святло», — сказаў паліцэйскаму хлопчык.
Паліцэйскі папрасіў да тэлефона бацьку, і той пачаў прасіць прабачэння за званок. Пазней высветлілася, што Майкл на самай справе не парушаў правілаў: ён выконваў правы паварот, калі асноўным сігналам святлафора быў чырвоны, але яго сын быў упэўнены, што гэтага рабіць катэгарычна нельга, піша ABCnews.
У выніку паліцэйскі дыспетчар не стаў адпраўляць патрульны аўтамабіль па выкліку Робі, а замест гэтага апублікаваў аўдыёзапіс ў афіцыйнай групе паліцэйскага дэпартамента Куінсі ў фэйсбуку.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары