Польшча абвясціла пра намер падрыхтаваць 35-тысячны кантынгент сіл тэрытарыяльнай абароны, паведамляе wp.pl.
Іх фармаванне пачнецца ў верасні, і ўжо вядома, хто іх узначаліць, заявіў міністр абароны Польшчы Антоні Мацярэвіч падчас адкрыцця ваеннай выставы «Pro Defense 2016» у Аструдзе.
Па словах прадстаўніка ваеннага ведамства, мэта стварэння новага фармавання — падрыхтоўка да магчымай гібрыднай вайне, падобнай да той, якую Расія вядзе супраць Украіны.
У склад 17 брыгад увойдуць грамадзянскія валанцёры, якія прайшлі вайсковую падрыхтоўку. У кожным з 16 ваяводстваў будзе размешчана па брыгадзе (у Мазавецкім — самым вялікім і густанаселеным — дзве). У першую чаргу брыгады пачнуць фармавацца ва ўсходніх ваяводствах Польшчы — Падляскім, Люблінскім і Падкарпацкім. У Беластоку, Любліне, Жэшуве і Седльцах размесцяцца першыя чатыры батальёны.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары