Народны дэпутат Вярхоўнай рады Надзея Саўчанка, якая 25 мая вярнулася з Расіі ва Украіну, заявіла, што Кіеву варта наладзіць наўпросты дыялог з прадстаўнікамі так званых «ДНР» і «ЛНР».
Пра гэта яна заявіла ў аўторак у эфіры Радыё Эра.
Вядучы перадачы «Раніца з Мацвеем Ганапольскім» прапанаваў ёй назваць тры першыя крокі, якія трэба зрабіць, каб вярнуць кантроль над Данбасам.
«Першае, падоўжыць санкцыі супраць Расіі, таму што яна яшчэ не зразумела, што ёй трэба сысці. Другое, выйсці на непасрэдную сувязь без Мінскіх дамоўленасцей з «ДНР» і «ЛНР». Выйсці на ўнутраную сувязь без трэцяга i чацвёртага боку», — сказала яна.
На пытанне, ці лічыць яна, што могуць быць наўпростыя перамовы паміж прэзідэнтам Украіны Пятром Парашэнкам і кіраўніком баевікоў Аляксандрам Захарчанкам, Саўчанка адказала: «не, спадар Захарчанка у нас не прэзідэнт, прэзідэнт у нас адзін».
«Захарчанка і Платніцкі могуць пазіцыянавацца, калі так можна сказаць, як «народныя дэпутаты ад ДНР і ЛНР». Я гатовая з імі так размаўляць», — заявіла Саўчанка.
Перад гэтым Саўчанка заявіла, што выступае супраць вяртання Данбаса сілай.
«Я не хачу ісці па шляху Расіі па знішчэнні і генацыду насельніцтва, але я вельмі хачу, каб Расія пайшла назад да сябе дадому, таму што яна якраз і чыніць цяпер генацыд насельніцтва на Данбасе», — сказала Саўчанка.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый67
Каментары