Улады «ДНР» гатовыя весці дыялог з дэпутатам Вярхоўнай рады Украіны Надзеяй Саўчанка, калі Кіеў дасць ёй такія паўнамоцтвы, заявіў у аўторак журналістам т.зв. паўпрад «ДНР» у кантактнай групе Дзяніс Пушылін.
«Вельмі дзіўна, што менавіта ў Саўчанка паўсталі такія думкі, што патрэбны дыялог, неабходна размаўляць з Данбасам, страляць марна і ўсё астатняе. Таму, калі ў Саўчанка будуць неабходныя паўнамоцтвы, мы гатовыя з ёй размаўляць», — сказаў Пушылін.
На яго думку, пазіцыя Кіева ў перагаворным працэсе застаецца неканструктыўнай, для змены сітуацыі неабходнае палітычнае рашэнне. Пушылін лічыць, што, калі «Саўчанка ў гэтым плане зможа ўрэгуляваць пытанне, хай гэта будзе Саўчанка».
«Вырашаць Кіеву», — падкрэсліў ён.
Раней Саўчанка прапанавала Кіеву выйсці на непасрэдныя перамовы з прадстаўнікамі «ДНР» і «ЛНР» па-за мінскім працэсам.
Цяпер чытаюць
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец30
Каментары