Італьянскі рэстаран Osteria Francescana прызнаны найлепшым у свеце, паведамляе Reuters са спасылкай на новы рэйтынг часопіса Restaurant. Спіс складаюць з 2002 года, ён заснаваны на асабістым досведзе шэф-кухароў, рэстаратараў, кулінарных экспертаў і аглядальнікаў.
Osteria Francescana знаходзіцца ў Модэне. Рэстаран заняў першае месца дзякуючы свайму вынаходліваму падыходу да традыцыйных італьянскіх страў.
Другі радок займае лідар 2015 года — El Celler de Can Roca з іспанскай Жыроны. На трэцяй пазіцыі апынуўся нью-ёркскі рэстаран Eleven Madison Park.
Далей ідзе Central (Ліма, Перу). Знакаміты рэстаран Noma (Капенгаген, Данія) апусціўся на пятае месца.
У топ-10 таксама патрапілі ўстановы з Францыі, Японіі і Аўстрыі. Больш за палову рэстаранаў са спісу 50 найлепшых размешчаны ў Еўропе, шэсць знаходзяцца ў ЗША, яшчэ шэсць — у Паўднёвай Амерыцы і пяць — у Азіі.
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі2
Каментары