Тапанімічная камісія пры Гарадзенскім гарвыканкаме прыняла рашэньне аб перайменаваньні некаторых вуліц у новадалучаных раёнах гораду.
У сувязі з тым, што некаторы час таму да Горадні былі далучаны навакольныя вёскі, паўстала пытаньне аб наданьні назваў вуліцам у гэтых вёсках, тым больш, што некаторыя назвы дублююцца з назвамі ў горадзе. Паводле рашэньня камісіі на гарадзкіх ускраінах зьявяцца вуліцы ў гонар гарадзенскага кампазытара Канстанціна Шыдлоўскага, камандзіра 3‑га кавалерыйскага корпуса Мікалая Асьлікоўскага, героя СССР Бажоры.
Тое, што Горадня атрымала назву вуліцы імя Шыдлоўскага, можна расцэньваць як добры знак. Грамадзкасьць горада павінна прыкласьці ўсе высілкі дзеля таго, каб хутка ў Горадні зьявіліся вуліцы Аляксея Карпюка, Міхася Ткачова, Васіля Быкава, Апанаса Цыхуна.
У ходзе паседжаньня камісіі далося заўважыць тэндэнцыю, што гарадзкія ўлады баяцца даваць гарадзкім вуліцам назвы ў гонар лепшых людзей нашай краіны, жыцьцё якіх было зьвязана з нашым горадам — Аляксея Карпюка, Васіля Быкава, Міхася Ткачова. Так катэгарычна была адкінута прапанова назваць вуліцу ў вёсцы Кульбакі ў гонар ксяндза Уладзіслава Талочкі, знакамітага беларускага сьвятара, філёзафа, сябра Ю. Ядкоўскага. А між тым акурат у Кульбаках нарадзіўся бацька сьвятара, там дасюль жывуць яго сваякі.
Шыдлоўскі Аляксандар Канстанцінавіч (18.06.1911 — 26.09.2002) дзеяч заходнебеларускага культурнага і грамадзка‑палітычнага жыцьця, кампазытар, аўтар вядомых песень, стваральнік песенных калектываў, гарачы патрыёт Беларусі і Горадні
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары