«Беларусбанк» абвясціў аб правядзенні з 20 чэрвеня па 31 снежня акцыі па датэрміновым пагашэнні крэдытаў на ўмовах, вызначаных банкам, у замежнай валюце на фінансаванне нерухомасці і спажывецкія патрэбы.
Як паведамляе прэс-служба банка, пры адначасовым датэрміновым пагашэнні крэдытаў, выплата працэнтаў па якіх робіцца раўнамернымі ўнёскамі, крэдытаатрымальнікі выплачваюць толькі працэнты за бягучы месяц і вызваляюцца ад выплаты працэнтаў, налічаных і не выплачаных за перыяд карыстання крэдытам.
У выпадку датэрміновага пагашэння крэдытаў з выплатай працэнтаў за фактычны час карыстання крэдытаатрымальнікі не сплачваюць працэнты, якiя падлягаюць выплаце ў месяцы датэрміновага пагашэння крэдыту.
Узяць удзел у акцыі могуць крэдытаатрымальнікі, у якіх адсутнічае пратэрмінаваная запазычанасць па крэдытнай дамове.
Акрамя таго, па інфармацыі «Беларусбанка», крэдытаатрымальнікам даецца магчымасць пераводу ў беларускія рублі рэшткаў запазычанасці па крэдытах у замежнай валюце на ўмовах, якія дзейнічаюць па крэдытных дамовах на дату заключэння дадатковага пагаднення.
Для канчатковага пагашэння запазычанасці па крэдыце, або пераводу запазычанасці па валютных крэдытах у беларускія рублі кліентам неабходна звяртацца ў службу крэдытавання насельніцтва ўстановы банка па месцы заключэння крэдытнай дамовы для афармлення дадатковага пагаднення да крэдытнай дамовы.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары