Конкурс праводзіцца паводле новых правілаў: два паўфіналы і фінал. Беларусь ня зможа сёлета прагаласаваць за Расею.
Усяго ў конкурсе бяруць удзел выканаўцы з 43 дзяржаў, якія падзеленыя на тры групы. Паўфіналы пройдуць 20 і 22 траўня, фінал 24 траўня ў суботу.
Па дзесяць найлепшых удзельнікаў з паўфіналаў трапяць у фінал, куды без папярэдняга адбору дапушчаны краіна-гаспадар Сербія, ды дзяржавы вялікай чацьвёркі: Нямеччына, Францыя, Брытанія, Гішпанія.
Беларус Руслан Аляхно выступіць у другім паўфінале (г.зн. у чацьвер), дзе таксама будуць выступаць прадстаўнікі Албаніі, Баўгарыі, Вугоршчыны, Грузіі, Латвіі, Літвы, Ісляндыі, Кіпру, Македоніі, Мальты, Партугаліі, Турцыі, Харватыі, Швайцарыі, Швэцыі, Чэхіі, Украіны.
Першую групу паўфіналістаў склалі: Расея (Дзіма Білан), Чарнагорыя, Фінляндыя, Грэцыя, Ірляндыя, Польшча, Босьнія, Эстонія, Малдова, Галяндыя, Нарвегія, Арменія, Бэльгія, Сан-Марына, Азэрбайджан, Славенія, Польшча.
Украіну на Эўрабачаньні прадстаўляе Ані Лорак зь песьняй «Shady Lady» («Легкадумная паначка»), музыку да якой напісаў Філіп Кіркораў.
Цікава, што сёлета Эўрабачаньне праходзіць паводле новых умоваў, і беларусы могуць галасаваць толькі ў чацьвер. Таму яны ня здолеюць прагаласаваць, напрыклад, за Расею, якой Беларусь давала найвышэйшы бал.
Беларусы – як і любая іншая краіна -- таксама ня могуць галасаваць за прадстаўніка сваёй дзяржавы.
Для галасаваньня трэба званіць на нумар 8 810 101 03 ХХ (ХХ — нумар упадабанага выканаўцы). Кошт тэлефанаваньня — 1 000 беларускіх рублёў. Для SMS-галасаваньня (даступнае абанэнтам усіх мабільных апэратараў) неабходна адпраўляць SMS-паведамленьні з нумарам упадабанага выканаўцы (напрыклад, 01, 02, 13 і г.д.) на нумар 7708. Кошт паведамленьня — 1 300 рублёў (з улікам ПДК).
***
0:05 Позна ўвечары ў аўторак вызначыліся пераможцы першага паўфіналу:
Грэцыя, Румынія, Босьнія, Фінляндыя, Расея, Ізраіль, Азэрбайджан, Арменія, Польшча, Нарвэгія.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей4
Каментары