МЗС Украіны выступіла з нотай пра забарону ўезду ў Беларусь Ігара Гузя
Міністэрства замежных спраў Украіны звярнулася з нотай, у якой выказала занепакоенасць з нагоды таго, што народнаму дэпутату Ігару Гузю неабгрунтавана забаранілі ўезд у Беларусь.
Пра гэта гаворыцца ў адказе з Міністэрства на запыт Ігара Гузя.
«…Паведамляем, што ў Пасольства Рэспублікі Беларусь ва Украіне была накіравана нота, у якой выказана занепакоенасць фактам неабгрунтаванай забароны ўезду народнага дэпутата Украіны ў Беларусь», — гаворыцца ў адказе МЗС.
Нагадаем, 25 красавіка Ігара Гузя спынілі на пункце пропуску «Дольск-Махро» і паведамілі, што па запыце Расійскай Федэрацыі Беларусь забараніла яму ўезд на сваю тэрыторыю. Любыя дакументы, якія б пацвярджалі гэта, прадстаўнікі пагранічнага ведамства Беларусі і КДБ паказаць адмовіліся.
Асноўнай мэтай паездкі Ігара Гузя была сустрэча з сем'ямі беларускіх добраахвотнікаў, якія ўдзельнічалі ў вайне з Расіяй на баку Украіны, а цяпер падвяргаюцца пераследу ў Беларусі.
Адзначым, што Ігар Гузь працягвае настойваць на ўвядзенні ва Украіне мараторыю на выдачу замежных добраахвотнікаў, якія ваявалі на баку Украіны, калі іх пераследуюць на радзіме.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары