З-за моцнага ветру ў Мінскай вобласці 3 ліпеня быў абясточаны 321 населены пункт, паведамляе прэс-служба абласнога ўпраўлення МНС.
Без электразабеспячэння апынулася 27 сельскагаспадарчых будынкаў, у тым ліку 22 малочнатаварныя фермы, 21 дашкольная ўстанова, 21 школа, 1.073 трансфарматарныя падстанцыі.
Адключэнні электрычнасці адбыліся ў Вілейскім, Капыльскім, Лагойскім, Мінскім, Маладзечанскім, Пухавіцкім і Смалявіцкім раёнах.
Таксама пашкоджаныя дахі 11 будынкаў у трох раёнах вобласці: Стаўбцоўскім (цялятнік ААТ «Шашкі»); Пухавіцкім (дзве малочнатаварныя фермы, піларама, майстэрня, зернясклад, дыспетчарская ААТ «Вецярэвічы»); Капыльскім (сенасховішча, два цялятнікі, малочны блок ААТ «Племянны завод Дусаеўшчына»).
Агулам для аднаўлення дахаў спатрэбіцца 1.830 лістоў шыферу, 30 лістоў полікарбаната, 200 кв. метраў бляхі.
Паводле інфармацыі МНС, у выніку праходжання моцнага ветру 17 чэрвеня на тэрыторыі Мінскай вобласці ўсё яшчэ застаюцца пашкоджанымі дахі васьмі будынкаў.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары