Нацыянальны банк Беларусі выпусціў памятныя манеты, прысвечаныя XV Рэспубліканскаму фестывалю нацыянальных культур. Продаж пачнецца 26 мая.
Гэтыя манеты паводле задумы маюць сімвалізаваць ідэю шматнацыянальнасці і культурнай разнастайнасці краіны. На аверсе (пярэднім баку) размешчаныя дзяржаўны герб Беларусі і надпіс «Рэспубліка Беларусь», а ў цэнтры — выява дзяўчыны ў нацыянальным строі, што таксама адсылае да Года беларускай жанчыны. На срэбнай манеце ўнізе пазначаная проба металу.
На рэверсе (адваротным баку) адлюстраваныя элементы культур розных народаў, якія жывуць у Беларусі: арнаменты, сімвалы, літары. Назвы нацыянальнасцяў размешчаныя па коле.
Выпушчаныя два віды манет:
- срэбная наміналам 20 рублёў, вагой 33,63 г і дыяметрам 38,61 мм, тыраж — 2000 асобнікаў;
- медна-нікелевая наміналам 1 рубель, вагой 28,64 г і тым жа дыяметрам, тыраж — 7000 асобнікаў.
Абедзве манеты выкананыя ў якасці «анцыркулейтэд» (калекцыйнае выкананне), прычым срэбная мае дадаткова пазалоту.
Купіць іх можна будзе ў касах Нацбанка. Кошт складзе каля 70 рублёў за медна-нікелевую манету і каля 590 рублёў за срэбную. Пры гэтым яны з’яўляюцца законным плацежным сродкам і могуць выкарыстоўвацца для разлікаў у Беларусі.
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй37
Каментары