Дэлегацыі з 65 краін з'ехаліся ў польскую сталіцу для ўдзелу ў найбуйнейшым саміце ў гісторыі НАТА 8—9 ліпеня. Чакаецца, што ў Варшаве будзе ўхвалена рашэнне размясціць чатыры батальёны альянсу ў кожнай з трох балтыйскіх краін і Польшчы.
На саміт прыехалі больш за 2000 дэлегатаў і яшчэ столькі ж журналістаў. Дзяржавы ўдзельнікі НАТА і трэція краіны прадстаўлены 18 прэзідэнтамі, 21 прэм'ер-міністрам, каля 80 міністраў замежных спраў і абароны.
Як чакаецца, у ходзе саміту ўдзельнікі ўхваляць размяшчэнне па адным батальёну НАТА ў Літве, Латвіі, Эстоніі і Польшчы. Таксама, Барак Абама павінен заявіць пра разгортванне ва Усходняй Еўропе амерыканскай пяхотнай брыгады. Гэтыя меры тлумачацца неабходнасцю ўмацоўваць ўсходні фланг НАТА з-за дзеянняў Расіі ў рэгіёне. Адначасова з гэтым, напярэдадні саміту генеральны сакратар альянсу Енс Столтэнберг абвясціў пра намер правесці пасяджэнне савета Расія - -НАТА ў ліпені.
Усяго на саміце ў Варшаве плануецца ўхваліць каля 25 дакументаў, уключаючы дэкларацыю па кібербяспецы, пакеты дапамогі Грузіі і Украіне. НАТА таксама абмяркоўвае магчымасць аказаць падтрымку кааліцыі, якая змагаецца з «Ісламскай дзяржавай», і сітуацыю ў Афганістане.
Таксама ў Варшаву прыбылі кіраўнікі Арменіі і Азербайджана, Серж Саргсян і Ільхам Аліеў. Чакалася, што яны абмяркуюць сітуацыю ў Карабаху.
Прэзідэнт Польшчы Анджэй Дуда напярэдадні саміту заявіў, што рашэнні, якія прымуць на ім, не пакінуць у НАТА слабых месцаў.
«Засяроджуся на працы з ЗША». Ціханоўскі расказаў пра свае палітычныя планы на 2026 год22
Каментары