У Смаргонскім раёне за здзяйсненне крадзяжу прыйдзецца адказваць мясцовай 44-гадовай жыхарцы.
Раней судзімая таксама за крадзеж, жанчына вырашыла ізноў пераступіць закон, прычым зрабіла гэта, дакладна ўсё распланаваўшы.
Для пачатку выехала на раён і выбрала домік у вёсцы, у які вырашыла забрацца. Потым дачакалася, пакуль гаспадар жылля яго пакіне, пасля чаго, пашкодзіўшы замок, патрапіла ўнутр. Узбагаціцца даме, на жаль для яе, не ўдалося. Грошай падазраваная не адшукала, затое прыхапіла кілаграм сала, які пасля з'ела.
Прадукт прыйшоўся дарэчы, бо жанчына нідзе не працуе і мае праблемы з рэгулярным харчаваннем.
Распачатая крымінальная справа па артыкуле «крадзеж, учынены з пранікненнем у жыллё».
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары