«Мо для кагосьці з тых, хто пабачыць дадзенае паведамленьне, гэтая прапанова падасца новай, але насамрэч яна была выказаная ізраільскім бокам ўжо даўно», ‑‑ гаворыцца ў заяве, распаўсюджанай сёньня Пасольствам Ізраілю ў Рэспубліцы Беларусі.
«Мы паўтараем яе цяпер, пасьля таго, як са зьдзіўленьнем пачулі ад начальніка Консульскага Упраўленьня МЗС Рэспублікі Беларусь спадара Андрэя Гіро ў on‑line канфэрэнцыі з БЕЛТА 29 траўня 2008 г., што ізраільскі бок ня выказаў гатоўнасьці абдумваць беларускі праект пагадненьня аб выдачы дармовых візаў шэрагу катэгорыяў грамадзянаў і не прапанаваў аніякага свайго варыянту пагадненьня.
23 кастрычніка 2007 беларускаму Консулу на чарговай сустрэчы з кіраўнікамі дамоўнага аддзелу МЗС Ізраілю было патлумачана зноўку, што ў Ізраіля няма досьведу вызваленьня ад платы за візы на падставе ўзроставых крытэраў, як прапануе Беларусь. Аднак ізраільскае МЗС гатовае азнаёміцца з адпаведнымі дакумэнтамі, што рэглямэнтуюць консульскія пагадненьні Беларусі з іншымі краінамі, дзе выкарыстоўваецца вышэйзгаданы прынцып. Падобныя дакумэнты беларускім бокам у МЗС Ізраілю да сёньня не перададзеныя.
Але галоўнае, што, як пазначана ў загалоўку, ізраільскі МЗС прапанаваў адразу ж пасьля атрыманьня беларускага праекту і паўтарыў гэта на сустрэчы ў кастрычніку 2007 г — давайце спросьцім сытуацыю кардынальна і зробім усе візы дармовымі.
І, нарэшце, з нагоды сьцьвярджэньня спадара Гіро пра тое, што Беларусь у аднабаковым парадку спрасьціла выдачы візаў грамадзянам Ізраілю. Тыя спрашчэньні, якія зроблены беларускім бокам цяпер, ляжаць у аснове консульскіх паслугаў беларускім грамадзянам ужо шмат гадоў.
У чым нельга не пагадзіцца са сп. Гіро, дык гэта ў тым, што спрашчэньне візавага рэжыму сапраўды пажаданае. Ізраіль надае вялікую значнасьць разьвіцьцю консульскіх адносінаў зь Беларусьсю на карысьць абодвух бакоў і гатовы весьці перамовы па гэтым пытаньні».
Цяпер чытаюць
Лукашэнка нервова пракаментаваў візіт Ціханоўскай у Кіеў23
Каментары