«Mo dla kahości z tych, chto pabačyć dadzienaje paviedamleńnie, hetaja prapanova padasca novaj, ale nasamreč jana była vykazanaja izrailskim bokam ŭžo daŭno», ‑‑ havorycca ŭ zajavie, raspaŭsiudžanaj siońnia Pasolstvam Izrailu ŭ Respublicy Biełarusi.
«My paŭtarajem jaje ciapier, paśla taho, jak sa ździŭleńniem pačuli ad načalnika Konsulskaha Upraŭleńnia MZS Respubliki Biełaruś spadara Andreja Hiro ŭ on‑line kanferencyi ź BIEŁTA 29 traŭnia 2008 h., što izrailski bok nia vykazaŭ hatoŭnaści abdumvać biełaruski prajekt pahadnieńnia ab vydačy darmovych vizaŭ šerahu katehoryjaŭ hramadzianaŭ i nie prapanavaŭ anijakaha svajho varyjantu pahadnieńnia.
23 kastryčnika 2007 biełaruskamu Konsułu na čarhovaj sustrečy z kiraŭnikami damoŭnaha adździełu MZS Izrailu było patłumačana znoŭku, što ŭ Izraila niama dośviedu vyzvaleńnia ad płaty za vizy na padstavie ŭzrostavych kryteraŭ, jak prapanuje Biełaruś. Adnak izrailskaje MZS hatovaje aznajomicca z adpaviednymi dakumentami, što rehlamentujuć konsulskija pahadnieńni Biełarusi ź inšymi krainami, dzie vykarystoŭvajecca vyšejzhadany pryncyp. Padobnyja dakumenty biełaruskim bokam u MZS Izrailu da siońnia nie pieradadzienyja.
Ale hałoŭnaje, što, jak paznačana ŭ zahałoŭku, izrailski MZS prapanavaŭ adrazu ž paśla atrymańnia biełaruskaha prajektu i paŭtaryŭ heta na sustrečy ŭ kastryčniku 2007 h — davajcie sprościm sytuacyju kardynalna i zrobim usie vizy darmovymi.
I, narešcie, z nahody śćviardžeńnia spadara Hiro pra toje, što Biełaruś u adnabakovym paradku spraściła vydačy vizaŭ hramadzianam Izrailu. Tyja spraščeńni, jakija zrobleny biełaruskim bokam ciapier, lažać u asnovie konsulskich pasłuhaŭ biełaruskim hramadzianam užo šmat hadoŭ.
U čym nielha nie pahadzicca sa sp. Hiro, dyk heta ŭ tym, što spraščeńnie vizavaha režymu sapraŭdy pažadanaje. Izrail nadaje vialikuju značnaść raźvićciu konsulskich adnosinaŭ ź Biełaruśsiu na karyść abodvuch bakoŭ i hatovy vieści pieramovy pa hetym pytańni».
Ciapier čytajuć
Marata Markava pierasunuli z pasady ministra infarmacyi ŭ ministry kultury22
Kamientary