5 чэрвеня а 19.00 ў малой залі КЗ «Мінск» этна‑гурт «Джамбібум» прэзэнтуе свой другі альбом «Жавароначкі».
5 чэрвеня а 19.00 ў малой залі КЗ «Мінск» этна‑гурт «Джамбібум» прэзэнтуе свой другі альбом «Жавароначкі».
На прэзэнтацыі таксама выступяць гурты «Рацыянальная дыета», «Гаротніца», «Energy», выканаўцы Карэн Карапецян, Масуд Талібані, Лёня Паўлёнка з «Нагуаль» ды іншыя цікавыя музыкі.
Вечарына — дадатковая магчымасьць паслухаць ня толькі музыку, якую стварае гурт «Джамбібум», але і музыку, якая падабаецца музыкам‑джамбібумаўцам. Рыхтуецца экспэрымэнт з харэаграфіяй, перформэнсам, сумесным выступленьнем запрошаных гуртоў разам з «Джамбібумам».
«Мы пастараліся напоўніць песьні цёплай стваральнай энергіяй,» — гаворыць Наста, кіраўнік гурта.
Адназначна вызначыць стыль музыкі гурта досыць складана, бо гэта варыятыўнае сумяшчэньне некалькіх стыляў на фолькавай аснове. Музыку можна аднесьці да фольк‑мадэрну — сучаснай пераапрацоўкі, пераўвасабленьню фолька — ці фольк‑fusion, калі на базе фолька зьмяшана шмат розных іншых стыляў, — гэта могуць быць элементы року, джазу, рэгі і г.д. У шматлікіх песьнях «Джамбібума» захоўваецца аўтэнтычная манэра сьпеваў, але абрамленьне, інструмэнты, аранжыроўка ўжо сучасныя.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары