У Стамбуле прайшла ўрачыстая цырымонія адкрыцця новага моста праз праліў Басфор, названага ў гонар султана Сяліма I Явуза (Грознага).
Прэзідэнт Турцыі Рэджэп Таіп Эрдаган заявіў на адкрыцці моста, што краіна працягне рэалізацыю інфраструктурных мегапраектаў.
«Мы пабудуем падобны мост праз праліў Дарданэлы і паскорым будаўніцтва Стамбульскага канала, а за імі рушаць услед новыя праекты», — паабяцаў Эрдаган, чые словы прыводзіць сайт выдання Hurriyet. Мост будаваўся тры гады.
Агульная даўжыня моста склала 2164 метры, асноўнага пралёта — 1408 метраў. Яго вышыня складае 322 метры, шырыня — 59 метраў. Кошт праекта ацэньваецца ў тры мільярды даляраў. Ён стаў часткай будаванай Паўночнай Мармарыйскай акруговай дарогі агульнай працягласцю 257 кіламетраў.
Рух па мосце будзе ажыццяўляцца па васьмі палосах для аўтамабіляў і дзвюх чыгуначных калеях.
Турэцкія ўлады разлічваюць, што прапускная здольнасць моста складзе 135 тысяч аўтамабіляў у дзень. Эканомія на транспартных і энергетычных выдатках дзякуючы пуску моста ацэньваецца ў 1,75 млрд даляраў у год.
Праезд з еўрапейскай часткі Стамбула ў азіяцкую абыйдзецца ў 3,4 даляра з машыны, у зваротным кірунку можна будзе праехаць бясплатна.
Цырымонія адкрыцця прайшла ў прысутнасці вядучых турэцкіх палітыкаў і вайскоўцаў, а таксама караля Бахрэйна Хамада Ісы аль-Халіфа, прэзідэнта Македоніі Георге Іванова, балгарскага прэм'ера Бойка Барысава, высокапастаўленых прадстаўнікоў Азербайджана, Грузіі і Сербіі.
Супраць будаўніцтва моста выступалі эколагі, якія сцвярджалі, што рэалізацыя праекта знішчыць лясы на поўнач ад Стамбула.
Султан Сялім I Явуз, у гонар якога названы мост, кіраваў Асманскай імперыяй з 1512 па 1520 год. Пры ім былі заваяваныя вялікія тэрыторыі на Блізкім і Сярэднім Усходзе і Паўночнай Афрыцы. Войскі султана скарылі Персію, Егіпет, нанеслі паражэнне Венгрыі і атрымалі іншыя перамогі. Сялім быў абвешчаны халіфам і заступнікам святых для мусульман гарадоў Мекі і Медзіны. За суровы нораў султан атрымаў мянушку Грозны (а таксама Адважны і Люты).
-
Летні саміт G7 перанясуць, каб даць Трампу адсвяткаваць юбілей
-
«Мне не патрэбна міжнароднае права — у мяне няма намеру прычыняць людзям шкоду». Трамп патлумачыў, навошта яму Грэнландыя
-
Масавыя пратэсты ў Іране працягваюцца. Пратэстоўцы заклікаюць да звяржэння аяталы Алі Хаменеі і вяртання Рэзы Пехлеві
Каментары