Мытная служба Аўстрыі затрымала ў аэрапорце Граца грамадзянку Марока, у багажы якой былі знойдзеныя рэшткі цела яе мужа.
Вантробы мужчыны былі акуратна спакаваныя ў два кантэйнеры, паведамляюць аўстрыйскія СМІ. Жанчына сцвярджае, што яе муж памёр падчас аперацыі, зробленай у Марока. Яна падазрае, што ён быў атручаны, паведаміла Kleine Zeitung.
Па словах жанчыны, яна хацела правесці таксікалагічнае даследаванне парэшткаў і для гэтага прывезла іх у Аўстрыю. Эксперт, які прыбыў па выкліку паліцыі, заявіў, што паўнавартаснае даследаванне не можа быць зробленае ў адсутнасці цела цалкам.
Парэшткі былі адпраўленыя на захоўванне да завяршэння расследавання інцыдэнту. Пры гэтым паліцыя заявіла, што жанчына не парушыла ніякіх законаў.
Каментары