Сельгаскірмашы пройдуць 8—9 кастрычніка ў Мінску каля «Чыжоўка-Арэны» і Палаца спорту
Два маштабныя агульнагарадскія сельскагаспадарчыя кірмашы пройдуць у бліжэйшыя выхадныя, 8—9 кастрычніка, у Мінску. Такая інфармацыя размешчана на сайце галоўнага ўпраўлення спажывецкага рынку Мінгарвыканкама.
З 9.00 да 16.00 разгорнецца кірмаш выхаднога дня на пляцоўцы, прылеглай да вялікай арэны ШКСЗК «Чыжоўка-Арэна» (вул. Ташкенцкая, 19), дзе сельскагаспадарчую прадукцыю прадставяць прадпрыемствы Гродзенскай вобласці: Гродзенскі, Лідскі, Ваўкавыскі, Ашмянскі і Слонімскі мясакамбінаты, Лідскі малочна-кансервавы камбінат, Малочная кампанія «Навагрудскія дары», Шчучынскі масласырзавод, Дзятлаўскі сыраробны завод, Гродзенская агароднінная фабрыка, фермерскія гаспадаркі, птушкафабрыкі, рыбгасы, прадпрыемствы спажывецкай кааперацыі інш.
У гэты ж час адбудзецца агульнагарадскі сельскагаспадарчы кірмаш выхаднога дня на пляцоўцы ў раёне Палаца спорту (пр. Пераможцаў, 4) з удзелам прадпрыемстваў Мінска, Мінскай вобласці, Белкаапсаюза, ДА «Белводгас» і іншых.
На кірмашах у шырокім асартыменце будзе прадстаўлена прадукцыя новага ўраджаю (бульба, капуста, буракі, морква, цыбуля, яблыкі, грушы, гарбузы, кабачкі, журавіны), а таксама мёд, мяса і паўфабрыкаты, каўбасныя вырабы, вэнджаніна, сыры, масла, малочная прадукцыя, жывая рыба, саджанцы пладова-ягадных дрэў і кустоў.
Ветэранам Вялікай Айчыннай вайны і людзям з абмежаванымі магчымасцямі забяспечаць бясплатную дастаўку сельгаспрадукцыі.
Цяпер чытаюць
Лукашэнка выказаўся пра дэфіцыт медыкаў і прапанаваў ім працаваць больш7
Каментары