Польшча апублікавала ВІДЭА сустрэчы Пуціна і Туска пасля катастрофы пад Смаленскам
Мінабароны Польшчы апублікавала відэазапіс з размовай тагачасных прэм'ераў Польшчы і Расіі Дональда Туска і Уладзіміра Пуціна пасля Смаленскай катастрофы.
Відэа, якое было прадстаўленае на пасяджэнні камісіі па абароне Сейма, апублікаванае на канале Мінабароны Польшчы ў YouTube.
На відэазапісы Уладзімір Пуцін і экс-кіраўнік МНС Сяргей Шайгу тлумачаць Туску, што калі б самалёт працягнуў рух яшчэ 800 м, то мог бы сутыкнуцца з будынкам, дзе размешчаныя фабрычныя цэхі.
Разам яны аглядаюць месца катастрофы ў суправаджэнні некалькіх дзясяткаў людзей.
Таксама Шайгу распавёў Туску пра траекторыю і кірунак руху лайнера.
«У выніку ў 200 метрах адсюль адбылося першае сутыкненне з зямлёй. І за кошт таго, што ў яго былі выпушчаныя шасі, ён, натуральна, перавярнуўся, і ўсё гэта тут адбылося, пасля чаго адбылося ўзгаранне», — сказаў Шайгу.
Пуцін пазней выказаў Туску версію пра памылку пілота.
Раней міністр абароны Польшчы Антоні Мацярэвіч заявіў, што ў распараджэнні ведамства ёсць запісы размоў былога прэм'ер-міністра Польшчы Дональда Туска з Уладзімірам Пуціным ад 10 красавіка 2010 года, калі адбылася Смаленская катастрофа.
-
Двое беларусаў, якія мелі сувязі з расійскай вайсковай прамысловасцю, прызналі сваю віну ў Літве
-
«Каб увесь свет гаварыў па-руску, вывучайце аўтамат Калашнікава». У Расіі ўдзельнік вайны даў наказ школьнікамі 1 верасня
-
Праз 30 гадоў суд назваў вінаватага ў забойстве Тупака Шакура — аднаго з самых уплывовых рэпераў у гісторыі
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя9
Каментары